Die Solidariteit Helpende Hand Forum vir Persone met Gestremdhede het besluit om vanjaar hul derde LIG-konsert op 19 September 2024 by AfriForum Teater aan te bied. LIG staan vir “Liefde in Gestremdheid”, en ons verwelkom graag by hierdie geleentheid persone met gestremdhede as ons eregaste. Ons akkommodeer rolstoele, gidshonde en persone met spesiale behoeftes. Ons gaan ook 'n tolk hê om ons Dowe gemeenskap by die aand se verrigtinge in te sluit.
Bekende kunstenaars wat die aand gaan optree, is PROP, Sonja Heroldt en Ruan Josh. Sarina Bosman is die aanbieder. Die opbrengs van die aand sal tot die LIG-studiefonds bydra, wat gestremde studente help om verder te kan studeer.
Find An Event
